Plaindre ne s’en doit loyal cueur – Charles d’Orléans

Plaindre ne s’en doit loyal cueur,
S’Amours a servy longuement,
Recevant des biens largement,
Et pareillement de douleur.
N’est ce raison que le Seigneur
Ait tout à son commandement?
Plaindre, etc.
S’Amours, etc.

Ne plus a desservi Doulceur
Que ne trouve à son jugement,
En gré prengne pour payement
Moins de proufit et plus de honneur.
Plaindre, etc.