Mon cueur, estouppe tes oreilles – Charles d’Orléans

Mon cueur, estouppe tes oreilles,
Pour le vent de Merencolie;
S’il y entre, ne doubte mye,
Il est dangereux à merveilles;
Soit que tu dormes ou tu veilles,
Fays ainsi que dy, je t’en prie.
Mon cueur, etc.
Pour le vent, etc.

Il cause doleurs nompareilles,
Dont s’engendre la maladie
Qui n’est pas de legier guerie;
Croy moy, s’à raison te conseilles.
Mon cueur, etc.