Le truchement de ma pensée – Charles d’Orléans
Le truchement de ma pensée,
Qui est venu devers mon cueur,
De par Reconfort, son seigneur,
Lui a une lectre apportée;
Puis a sa creance contée,
En langaige plein de doulceur.
Le truchement, etc.
Qui est venu, etc.
Response ne lui est donnée,
Pour le present, c’est le meilleur;
Il aura, par conseil greigneur,
Son ambaxade despeschée.
Le truchement, etc.
