J’estraine de bien loing m’amie – Charles d’Orléans

J’estraine de bien loing m’amie,
De cueur, de corps et quanque j’ay,
En bon an lui souhaideray
Joye, santé et bonne vie.
Mais que ne m’estraine d’oublie,
Ne plus ne moins que la feray.
J’estraine, etc.
De cueur, etc.

Mon cueur de chapel de soussie,
Ce jour de l’an, estreneray;
Et à elle presenteray
Des fleurs de ne m’oubliez mie.
J’estraine, etc.