Je congnois assez telz desbas – Charles d’Orléans

Je congnois assez telz desbas
Que l’ueil et le cueur ont entre eulx;
L’un dit: Nous serons amoureux,
L’autre dit: Je ne le vueil pas.
Raison s’en rit, disant tout bas:
Escoutez moy ces maleureux.
Je congnois, etc.
Que l’ueil, etc.

Lors m’en vois plustost que le pas,
Et les tanse si bien tous deux,
Que je les laisse tres honteux;
Mainteffoiz ainsi me combas.
Je congnois, etc.