Espoir ne me fist oncques bien – Charles d’Orléans

Espoir ne me fist oncques bien,
Souvent me ment pour me complaire,
Et assez promet sans riens faire,
Dont à lui peu tenu me tien;
En ses ditz ne me fie en rien,
Se Dieu m’aist, je ne m’en puis taire.
Espoir ne, etc.
Souvent me, etc.

Quant reconfort requerir lui vien,
Et cuide qu’il le doye faire,
Tousjours me respont au contraire,
Et me hare reffus son chien.
Espoir ne, etc.