En songe, souhaid et pensée – Charles d’Orléans

En songe, souhaid et pensée
Vous voy chascun jour de sepmaine,
Combien qu’estes de moy loingtaine,
Belle, tres loyaument amée,
Pour ce qu’estes la mieulx parée
De toute plaisance mondaine.
En songe, etc.
Vous voy, etc.

Dutout vous ay m’amour donnée,
Vous en povez estre certaine,
Ma seule Dame, souveraine,
De mon las cueur moult desirée.
En songe, etc.