Assez pourveu, pour de cy à grant piece – Charles d’Orléans

Assez pourveu, pour de cy à grant piece,
Et plus qu’assez, de penser et anuy,
Je me treuve sans congnoistre nulluy.
Qui se vente d’en avoir telle piece.
Fortune dit, qui tout mon fait despiece,
Que j’endure comme maint aujourduy.
Assez pourveu, etc.
Et plus qu’assez, etc.

Pourquoy souvent je mets soubz mon pié ce,
Prenant confort d’espoir, comme celluy
Qui me fye parfaitement en luy,
Ainsi remains qui le croiroit en piece.
Assez pourveu, etc.