Hau guecte mon ueil, et puis quoi – Charles d’Orléans

Hau guecte mon ueil, et puis quoi?
Voyez vous riens? ouil, assez;
Qu’est ce cela que vous savez?
Cler, le vous puis monstrer au doy.
Regardez plus avant un poy,
Vos regars ne soient lassez.
Hau guecte, etc.
Voyez vous, etc.

Acquicté me suis, comme doy,
Il a ja plusieurs ans passez,
Sans avoir mes gaiges cassez,
Bien avez servi, sur ma foy.
Hau guecte, etc.