Pour quoi m’avez vous ce fait – Christine de Pisan

Pour quoi m’avez vous ce fait,
Trés bel, ou n’a que redire?
Et si sçavez mon martire
N’oncques ne vous fis meffait.

Et parti estes de fait,
Sanz moy daigner a Dieu dire;
Pour quoy m’avez vous ce fait?

Au dieu d’amours du tort fait
Me plaindray disant: Dieux Sire,
Ami m’avez fait eslire,
Dont me vient si dur effait,
Pour quoy m’avez vous ce fait?